SAS með daglegt flug til Kaupmannahafnar

SAS mun frá og með deginum í dag fljúga daglega frá Kaupmannahöfn til Keflavíkur og bætist þar með í hóp Icelandair og Wow air sem fljúga daglega til Kaupmannahafnar.

Um 437 þúsund farþegar nýttu sér áætlunarferðir milli Keflavíkurflugvallar og Kaupmannahafnar í fyrra og fjölgaði þeim um sex af hundraði frá árinu á undan. Vélar Icelandair fljúga allt að fimm sinnum á dag til dönsku höfuðborgarinnar og Wow býður upp á eina til tvær ferðir. Framboð á flugi héðan til Kaupmannahafnar er meira en til annarra borga að Lundúnum undanskildum og hefur flugleiðin staðið undir um tíund af öllum ferðum íslensku félaganna tveggja samkvæmt talningum Túrista. 

• 1 blogg um fréttina

Bloggað um fréttina

• Geir Ágústsson: Þarf Samkeppniseftirlitið ekki að koma hér að?