Breska vefverslunin Asos liggur niðri en hún hefur verið mjög vinsæl meðal Íslendinga á síðustu árum. Þeir sem hafa hugsað sér gott til glóðarinnar í morgun sökum gengisfalls breska pundsins hafa því gripið í tómt.
Á Twitter-síðu fyrirtækisins kemur fram að um tæknilega örðugleika sé að ræða og að síðan hafi legið niðri í nokkrar klukkustundir. Starfsmenn fyrirtækisins hafa fullvissað viðskiptavini um að verið sé að vinna í því að koma síðunni aftur á koppinn.
Hafa einhverjir bent á að það sé afar hentugt að síðan hafi hrunið á sama tíma og pundið.
@ASOS @Rathuson6 Don't believe a word of it - convenient the site crashed as soon as the pound did. Sneaky
— Alastair (@sonofbelial) June 24, 2016
Great Britain out of #EU - @ASOS down! Coincidence much? #Brexit #EUreferendum #BritishPound https://t.co/OO5Cm8V1LV
— Luka (@saltyL) June 24, 2016
Asos hefur þó neitað því að Brexit tengist málinu.
@saltyL Some of our customers have asked if the site down because of #Brexit, but it’s just a boring tech glitch.
— ASOS Here to Help (@ASOS_HeretoHelp) June 24, 2016
Pundið hefur fallið um rúm fimm prósentustig gagnvart íslensku krónunni í morgun og nemur gengi þess 171,39 krónum þegar þetta er skrifað. Við lokun markaða í gær stóð það í 180,49 krónum.