55 kaupsamningum og afsölum um atvinnuhúsnæði var þinglýst á höfuðborgarsvæðinu í síðasta mánuði, samkvæmt upplýsingum frá Þjóðskrá Íslands. Af þessum skjölum voru 25 um verslunar- og skrifstofuhúsnæði.
Alls var heildarfasteignamat seldra eigna 2.180 milljónir króna.
Er það talsvert minni velta en var í maímánuði.
Þjóðskrá Íslands birtir upplýsingar um umsvif á markaði með atvinnuhúsnæði.
Í júnímánuði var 53 kaupsamningum og afsölum um atvinnuhúsnæði utan höfuðborgarsvæðisins þinglýst. Heildarfasteignamat seldra eigna var 1.724 milljónir króna.
Á sama tíma voru 34 kaupsamningar um atvinnuhúsnæði á höfuðborgarsvæðinu skráðir í kaupskrá. Heildarupphæð þeirra var 1.989 milljónir króna og fasteignamat þeirra eigna sem samningarnir fjölluðu um 1.519 milljónir króna. Af þessum samningum voru tólf um verslunar- og skrifstofuhúsnæði á höfuðborgarsvæðinu.
Þá voru jafnframt 33 kaupsamningar um atvinnuhúsnæði utan höfuðborgarsvæðisins skráðir í kaupskrá í júní. Heildarupphæð þeirra var 1.479 milljónir króna og fasteignamat þeirra eigna sem samningarnir fjölluðu um 1.457 milljónir króna.