Þegar tilkynnt var um samning Seðlabanka Íslands við aflandskrónueigendur 12. mars var jafnframt tilkynnt að aflandskrónueigendum sem ekki hefðu gert samkomulag við bankann yrði boðið að gera sams konar samninga.
Í tilkynningu frá Seðlabanka Íslands kemur fram að unnið er að undirbúningi viðskipta við aðra aflandskrónueigendur og verða nánari upplýsingar birtar á næstu dögum.
„Að gefnu tilefni skal tekið fram að frestur til að ganga að tilboði Seðlabankans telst ekki hefjast fyrr en nánari upplýsingar um fyrirkomulag viðskiptanna hafa verið birtar,“ segir í tilkynningunni