Hagnaður Haga á síðasta rekstrarári félagsins nam 4,036 milljörðum króna eða 5% af veltu. Vörusala nam 80,5 milljörðum en framlegð rekstrarársins var 24,8%.
Hagnaður fyrir afskriftir, fjármagnsliði og skatta (EBITDA) nam rúmum sex milljörðum króna en heildareignir samstæðunnar námu 30,1 milljarði í lok rekstarársins.
Handbært fé nam 2,4 milljörðum króna og eigið fé 17,4 milljörðum. Þá var eiginfjárhlutfall 57,8%.
Ársreikningurinn var samþykktur af stjórn og forstjóra félagsins á stjórnarfundi í dag en hann er fyrir rekstrarárið 1. mars 2016 til 28. febrúar 2017.
Söluaukning félagsins milli ára nam 2,7% en laun og launatengd gjöld hækkuðu um 685 milljónir eða 9,6%. Annar rekstrarkostnaður lækkaði m 177 milljónir króna sem að sögn Haga skýrist aðallega af lægri húsnæðiskostnaði vegna lokunar Debenhams og fækkunar fermetra hjá Hagkaup og Útilífi.