Flugfélagið Qatar Airways vill kaupa 10% í flugfélaginu American Airlines og greiða fyrir það að minnsta kosti 808 milljónir Bandaríkjadala eða því sem nemur 85 milljörðum íslenskra króna. Þessu greindi American Airlines frá í dag en hlutabréf í félaginu hafa hækkað um 3,5% í kjölfarið.
Árið 2015 keypti Qatar Airlines 10% hlut í félagið IAG sem á m.a. British Airways og Iberia. Nokkrum mánuðum seinna stækkaði félagið hlut sinn upp í 20% og varð því stærsti hluthafi IAG.
Qatar Airways hefur átt erfitt síðustu vikur eftir að hópur landa á Persaflóaskaga slitu á öll tengsl við Katar. Þá bönnuðu stjórnvöld Sádi-Arabíu, Barien, Egyptalands og Sameinuðu arabísku furstadæmanna allt flug til og frá Doha, höfuðborgar Katar, en alþjóðaflugvöllurinn þar er einn sá stærsti á Arabíuskaga.