Morgundagur úrskurðaður gjaldþrota

Morgundagur ehf., útgáfufélag Fréttatímans, hefur verið tekinn til gjaldþrotaskipta. Það var gert 28. júní síðastliðinn en greint er frá því í Lögbirtingablaðinu í dag. Skiptafundur fer fram 14. september.

Mbl.is greindi frá því í byrjun maí að tekin hefði verið ákvörðun um að setja félagið í þrot en þá höfðu enn ekki allir starfsmenn blaðsins fengið greidd laun fyrir marsmánuð.

Frétt af mbl.is

Fréttatíminn fer í gjaldþrot

Síðasta tölublað Fréttatímans kom út 7. apríl. Tilraunir til að endurskipuleggja reksturinn og endurreisa blaðið báru ekki árangur að sögn Valdimars Birgissonar, framkvæmdastjóra Fréttatímans, í samtali við mbl.is í maí. 

• Blogga um frétt