Ný útlán lífeyrissjóðanna til sjóðfélaga halda stöðugt áfram að aukast. Þannig námu ný útlán sjóðanna á fyrstu fimm mánuðum ársins tæpum 53 milljörðum króna í 2.838 samningum, samanborið við rúman 31 milljarð í 1.987 samningum fyrstu fimm mánuði síðasta árs.
Nemur aukningin ríflega 70% milli samanburðartímabila. Í maí síðastliðnum lánuðu sjóðirnir 12,5 milljarða og er það næsthæsta upphæð sem runnið hefur frá sjóðunum í einum mánuði.
Met var slegið í mars síðastliðnum þegar þeir lánuðu ríflega 13,5 milljarða, að þvíæ er fram kemur í Morgunblaðinu í dag.