Stapi selur í Högum

Stapi lífeyrissjóður hefur selt þrjár milljónir hluta í Högum hf. samkvæmt flöggunartilkynningu frá Kauphöllinni. Við sölu hlutabréfanna fór eignarhlutfall lífeyrissjóðsins úr 5,04% í 4,78%, þar af leiðandi var salan flöggunarskyld. Eftir viðskiptin á lífeyrissjóðurinn rúma 56 milljónir hluta í Högum. 

Hlutabréf Haga hafa hækkað um 2,11% í dag en það sem af er ári hafa Hagar lækkað um 34%. Gengi hlutabréfanna í viðskiptum í dag er 36,25 og seldi Stapi því fyrir rúmar 108 milljónir króna. 

• Blogga um frétt