Verslun Hagkaupa í Smáralind hefur verið tilnefnd til verðlauna Retail Week fyrir bestu hönnun matvöruverslunar. Átta verslanir eru tilnefndar í flokknum, þar á meðal verslanir matvörukeðja á borð við Carrefour og Iceland.
Ráðist var framkvæmdir í versluninni í Smáralind í fyrra og var hún endurhönnuð og minnkuð um helming, eða um 4.800 fermetra og nú standa yfir sams konar framkvæmdir í Kringlunni. Haft var eftir Gunnari Inga Sigurðssyni framkvæmdastjóra í ágúst að endurnýjunin hefði leitt til mikillar aukningar í sölu.