Landsbankinn opnar gjaldeyrishraðbanka

Landsbankinn hefur tekið í notkun gjaldeyrishraðbanka við útibú bankans í Hamraborg og á næstu vikum er ráðgert að bankinn muni opna slíka hraðbanka á sex öðrum stöðum á höfuðborgarsvæðinu. 

Í gjaldeyrishraðbankanum er hægt að taka úr seðla í evrum, bandaríkjadollurum, sterlingspundum og dönskum krónum og hægt er að nota bæði debet- og kreditkort til að taka út úr hraðbönkunum. Líkt og í venjulegum hraðbönum er þó ódýrara að nota debetkort. 

Gjaldeyrishraðbankinn í Hamraborg er aðgengilegur á opnunartíma útibúsins en á næstu vikum er áæltað að bankinn muni taka í notkun gjaldeyrishraðbanka útibúum bankans í Austurstræti, Grafarholti, Borgartúni, Hafnarfirði og Mjódd. 

Í tilkynningu frá Landsbankanum segir að sífellt fleiri viðskiptavini nýti sér rafræna þjónustu eða sjálfafgreiðslulausnir til að sinna sínum bankaviðskiptum en með því að taka gjaldeyrishraðbanka í notkun vill bankinn gera viðskiptavinum sínum auðveldara að nálgast erlendan gjaldeyri. 

• Blogga um frétt