Hlutabréf í Kobe Steel, sem er þriðji stærsti stálframleiðandinn í Japan, lækkuðu verulega eftir fyrirtækið viðurkenndi að hafa falsað upplýsingar um gæði afurða sinna.
Um er að ræða upplýsingar um styrk og varanleika sumra ál- og koparvara en bílasmiðirnir Toytota, Honda og Subaru eru á meðal þeirra sem hafa notað þessar málmvörur frá fyrirtækinu. Til að mynda mun Toyota hafa notað þær í vélarhlífar og hurðar sumra bíltegunda.
Kobe Steel hafa gefið út að málmvörurnar hafi verið seldar til um 200 fyrirtækja. Hlutabréf í fyrritækinu lækkaði um 22% í gær og þurrkaðist þannig út næstum einn milljarður Bandaríkjadala.
Ekki er komið á hreint hvort að fölsunin hafi áhrif á öryggi afurðanna sem málmvörur Kobe steel hafa verið til að framleiða. Nánar er greint frá málinu á fréttavef breska ríkisútvarpsins BBC.