Fjögur tilboð bárust Kópavogsbæ í tengslum við sölu á fasteignum bæjarins í Fannborg sem áður hýstu skrifstofur bæjarins.
Greint var frá því í byrjun ágúst að Kópavogsbær flytti bæjarskrifstofurnar úr Fannborg 2, 4 og 6 að Digranesvegi 1.
Í kjölfarið auglýsti bærinn fasteignir í Fannborg til sölu og lýsti eftir áhuga þróunarfélaga, fjárfesta, byggingarfélaga og annarra á kaupum á eignunum. Var þeim gert að skila tilboðum eigi síðar en fimmtudaginn 12 október.