Donald Trump hefur fallið um 92 sæti á lista Forbers yfir ríkasta fólk Bandaríkjanna. Eignir forsetans hafa minnkað um 600 milljón bandaríkjadollara frá því að listinn var síðast uppfærður en Trump er nú í 248. sæti listans. CNN Money greinir frá.
Forbes tengja tap auðæfa hans meðal annars við erfiðan húsnæðismarkað í New York, sérstaklega hvað varðar verslunarhúsnæði en verðmæti tiltekinna eigna er sagt hafa lækkað um 400 milljónir bandaríkjadollara. Þá er fallið á listanum einnig tengt við kostnaðarsamar málshöfanir og dýra kosningabaráttu.
Stærsta tap Trump tengist fasteignum hans en fyrir utan fasteignirnar í New York kækkuðu golfvellir í hans eigu í virði en talið er að gestir golfvallanna hafi haldið sig frá þeim eftir að Trump varð forseti.
Þá segir í frétt Forbers að haldbært fé Trump (cash pile) hafi lækkað um 100 milljónir frá því í fyrra en kosningarbarátta hans kostaði alls 66 milljónir bandaríkjadollara auk þess sem samið var um málshöfðanir vegna Trump University fyrir 25 milljónir dollara.