Fyrirtækin Luxor tækjaleiga ehf. og Ofur hljóðkerfi ehf. hafa tilkynnt sameiningu fyrirtækjanna undir nafni Luxor.
Rekstur Ofur hefur snúið að hljóðkerfaleigu fyrir tónleika og skemmtanaiðnaðinn en Luxor hefur fengist við ljósa-, skjá- og sviðsleigu á viðburðum fyrirtækja.
Framkvæmdastjóri sameinaðs félags verður Bragi Reynisson, núverandi framkvæmdastjóri Luxor, en nýr stjórnarformaður verður Óli Valur Þrastarson. Í fréttatilkynningu um samrunann er haft eftir Óla Val að velta sameinaðs fyrirtækis verði um 300 milljónir á ári.