Pressan ehf. hefur verið tekin til gjaldþrotaskipta að kröfu Lífeyrissjóðs Vestmannaeyja vegna ógreiddra iðgjalda. Kristján B. Thorlacius hefur verið skipaður skiptastjóri þrotabúsins.
Þetta staðfestir Ómar R. Valdimarsson, stjórnarformaður Pressunnar, í samtali við mbl.is en Vísir greindi fyrst frá.
Allur rekstur félagsins var stöðvaður í lok nóvember og báðum starfsmönnum þess sagt upp störfum.
Þá lagði stjórn Pressunnar fram kæru á hendur Birni Inga Hrafnssyni fyrir meintan fjárdrátt en lögmaður Björns Inga sagði að tilgangurinn væri að þyrla upp moldviðri í fjölmiðlum.