Lánshæfiseinkunn ríkissjóðs helst óbreytt

Alþjóðlega mats­fyr­ir­tækið Fitch Rat­ings staðfesti í dag lánshæfiseinkunn ríkissjóðs fyrir langtímaskuldir í erlendri mynt sem A með stöðugum horfum.

Frá þessu er greint á vef Stjórnarráðsins þar sem segir jafnframt að samkvæmt matinu endurspeglar einkunnin annars vegar háar þjóðartekjur, sterkar stofnanir, góð lífskjör og gott viðskiptaumhverfi en hins vegar að hagkerfið reiðir sig að stórum hluta á hrávörur í útflutningi og er næmt fyrir ytri áföllum auk fyrri reynslu af sveiflum í efnahags- og fjármálum.

Þá segir að stöðugar horfur endurspegla svipaðar líkur á hækkun og lækkun lánshæfiseinkunnarinnar.

Hér má lesa álit Fitch á lánshæfiseinkunn ríkissjóðs í heild sinni.

• Blogga um frétt