Sumir fá hvalaskoðun í bónus

„Sumarið lítur mjög vel út og við erum bjartsýn. Það hafa allir verið mjög ánægðir með þessa þjónustu, bæði Íslendingar og ferðamenn, enda er þetta einstakt hér. En þetta er ný afþreying, það eru engin bjórböð á Norðurlöndum, þannig að það tekur tíma að koma þessu á kortið.“

Þetta segir Agnes Sigurðardóttir, stofnandi og framkvæmdastjóri Bruggsmiðjunnar Kalda á Árskógssandi. Ár er nú liðið síðan Agnes og hennar fólk opnuðu Bjórböðin. Þessi viðbót við fyrirtækið hefur mælst vel fyrir og mikill straumur gesta kom fyrsta árið.

„Það var mjög mikið að gera síðasta sumar. Veturinn var rólegri, en við ákváðum samt að hafa opið alla daga til að byggja fyrirtækið upp og kynna það. Það voru ekki margir dagar sem voru alveg dauðir en við reiknuðum alltaf með því að þurfa að borga með þessu fyrsta veturinn. Og jafnvel þann næsta líka,“ segir hún.

Sjá viðtal við Agnesi í heild á baksíðu Morgunblaðsins í dag.