Björn Líndal Traustason hefur verið ráðinn sparisjóðsstjóri Sparisjóðs Strandamanna af stjórn sparisjóðsins segir í fréttatilkynningu. Björn er fráfarandi framkvæmdastjóri Samtaka sveitarfélaga á Norðurlandi vestra og hefur áður starfað hjá Sparisjóði Húnaþings og Stranda og Landsbankanum.
Heildareignir Sparisjóðsins samkvæmt ársreikningi eru tæplega 3.750 milljónir króna, eigið fé um 350 milljónir króna og eru stofnfjáreigendur 103. Sparisjóður Strandamanna er nú með afgreiðslur á Hólmavík og á Norðurfirði.