Bandaríski seðlabankinn hækkaði skammtímavexti sína í dag en þetta er í þriðja sinn á árinu sem bankinn tekur þá ákvörðun.
Bankinn gaf enn fremur í skyn að hann myndi halda áfram að auka aðhaldið smám saman þrátt fyrir þrýsting frá Hvíta húsinu um að lækka vexti.
Stýrivextirnir voru hækkaðir úr 2% í 2,25% en þetta er í áttunda sinn í röð sem vextirnir eru hækkaðir. Búist er við að frekari vaxtahækkun þegar tekin verður ákvörðun næst í desember.
Donald Trump Bandaríkjaforseti gagnrýndi í dag hækkunina og sagðist hafa áhyggjur af því að seðlabankinn virtist hafa gaman af því að hækka vexti.