Davíð Ólafur Ingimarsson hefur verið skipaður nýr forstjóri Guide to Iceland. Davíð gegndi áður stöðu aðstoðarforstjóra og fjármálastjóra fyrirtækisins. Þá hefur hann m.a. starfað sem fjármálastjóri Greenqloud, yfirmaður lánamála og sjóðastýringar hjá Landsvirkjun og setið í stjórn lífeyrissjóðs.
Xiaochen Tian, fráfarandi forstjóri, tekur við sem framkvæmdastjóri fjárfestinga hjá Guide to Iceland. Greint er frá breytingunum í tilkynningu frá félaginu.
Vilhelm Jensen, fráfarandi aðstoðamaður fjármálastjóra, tekur við sem nýr fjármálastjóri Guide to Iceland.