Niðurstöður skattaálagningar ríkisskattstjóra getur fólk nú nálgast á skattur.is. Þar er hægt að sjá hvort maður skuldar skatt og þá hvernig hann verður greiddur. Þetta er gert aðgengilegt nú í dag.
Á árum áður var þetta gert í ágúst, 2016 og 2017 í lok júní en í ár og á síðasta ári í lok maí.
Heildarupphæð skuldar við ríkisskattstjóra má sjá á vefnum svo og hvernig það dreifist niður á mánuðina sem eftir eru af árinu.
Þegar könnuð er sundurliðun álagninganna má sjá að þeir sem greiða útvarpsgjald á sumrin greiða um 5.833 krónur júní, júlí og ágúst til Ríkisútvarpsins.
Með þessu eru staðfestir bráðabirgðaútreikningarnir á stöðu fólks gagnvart skattinum, sem eru gefnir fólki þegar það skilar inn skattskýrslu. Bráðabirgðaútreikningana má ekki kæra en álagningar má kæra.