Karl Ottó Karlsson hefur verið ráðinn framkvæmdastjóri hjá Ormsson ehf. Hann tók til starfa nú í júní. Hann tekur við af Andrési B. Sigurðssyni, sem starfaði hjá Ormsson frá 1993, lengst af sem framkvæmdastjóri.
Síðastliðið eitt og hálft ár hefur Karl verið við störf hjá Ormsson sem þjónustustjóri verkstæðis. Nú verður hann framkvæmdastjóri fyrirtækisins. Hann starfaði áður hjá Bræðrunum Ormsson ehf. frá 2000 til 2002.
Karl er viðskiptafræðingur frá Handelshöjskole Syd í Kolding í Danmörku. Hann starfaði við útgerð, útgerðarstjórn og fjármál á Hornafirði um árabil, starfaði hjá Bræðrunum Ormsson ehf 2000 til 2002 sem deildarstjóri, fjármálastjóri hjá Frétt ehf., þjónustustjóri hjá rekstrarfélagi Véla og þjónustu, skrifstofustjóri hjá Borgarplast, var kennari við Tækniskólann í 6 ár og starfaði við rekstrar- og fjámálaráðgjöf fyrirtækja í 10 ár.