Flutningafyrirtækið FedEx hefur rift samningi sínum við Amazon, en samningurinn kveður á um skyldu FedEx til að flytja á milli sendingar síðarnefnda fyrirtækisins á jörðu niðri. Í kjölfar riftunarinnar mun samningurinn falla úr gildi undir lok ágústmánaðar. Þetta kemur fram í tilkynningu sem FedEx sendi frá sér í dag.
Fréttirnar koma einungis nokkrum mánuðum eftir að FedEx greindi frá því að fyrirtækið myndi ekki sjá um flugsendingar Amazon. Í kjölfar fregnanna vinnur Amazon nú að því hörðum höndum að styrkja eigin þjónustu- og flutningadeild.
Gengi hlutabréfa FedEx lækkaði eilítið við fregnirnar eða um 2,2% og stendur það nú í 157,5 Bandaríkjadölum. Ef horft er fimm daga aftur í tímann má sjá að gengið hefur samtals lækkað um tæplega 8%.