Funda um Play í dag
Setja bókamerki
Stofnendur flugfélagsins Play hafa boðað leiðandi fyrirtæki í íslenskri ferðaþjónustu ásamt fulltrúum frá fjármálafyrirtækjum til fundar kl. 13 í dag í höfuðstöðvum fyrirtækisins að Reykjavíkurvegi í Hafnarfirði.
Á fundinum munu aðstandendur félagsins kynna framtíðaráform þess. Enn er róið öllum árum að því að tryggja 12 milljóna evra hlutafjárframlag frá íslenskum fjárfestum en ætlunin er að hún komi til viðbótar 40 milljóna evra lánsfjármögnun sem félagið segir að það hafi tryggt sér frá breska fjármálafyrirtækinu Athene Capital.
Morgunblaðið greindi frá því fyrir helgi að hægt hefði gengið að fá íslenska fjárfesta til þess að skrá sig fyrir nýju hlutafé í félaginu.
Forsvarsmenn og stofnendur Play eru þeir Þóroddur Ari Þóroddsson, Bogi Guðmundsson, sem verður framkvæmdastjóri sölu- og markaðssviðs, Arnar Már Magnússon forstjóri og Sveinn Ingi Steinþórsson sem verður fjármálstjóri félagsins og stjórnarformaður.
Ók á ofsahraða á móti umferð og uppi á stétt
11 verða í framboði til embættis forseta Íslands
Gosopið gæti stækkað á ný: „Eitthvað í aðsigi“
/frimg/1/48/82/1488234.jpg)
Aðeins níu meðmælendur í öðru framboðinu
Fullyrðir að kindurnar beri ekki eftirlitslausar