Seðlabanki Noregs lækkaði stýrivexti í morgun um 0,75 prósentur sem þýðir að meginvextir bankans fara niður í 0,25%. Þetta er önnur vaxtalækkun bankans á viku en þá voru stýrivextirnir lækkaðir um 0,5 prósentur. Þetta er liður í aðgerðum bankans við að stemma stigu við afleiðingum kórónuveirunnar á olíuframleiðslu landsins sem og annan rekstur í Noregi.
Segir í tilkynningu frá peningastefnunefnd bankans að Seðlabanki Noregs muni áfram tryggja og fara í aðgerðir sem tryggi að stefnubreytingin skili sér inn á peningamarkaðsvexti. Ekki er útilokað að vextir verði lækkaðir enn frekar.