Flugmenn minnkað hlut sinn í Icelandair

Eftirlaunasjóður félags íslenskra atvinnuflugmanna (EFÍA) hefur minnkað verulega hlut sinn í Icelandair frá árinu 2017. Nam eignarhlutur sjóðsins þá um 0,53% samkvæmt ársreikningi.

Nú nemur eignarhlutur sjóðsins í flugfélaginu um 0,19%, sem er rétt ríflega þriðjungur eignarhlutarins árið 2017.

Sjóðurinn hefur því selt um 64% bréfa sinna í félaginu síðustu tvö ár. Ekki er vitað um hreyfingar sjóðsins það sem af er ári eða hvort einhver viðskipti hafi verið með hlutabréf Icelandair, að því er fram kemur í umfjöllun um mál þetta í ViðskiptaMogganum í dag.