Eitt besta árið í sölu raftækja hjá Elko

Gestur Hjaltason, framkvæmdastjóri Elko, segir söluaukninguna í júlí og ágúst álíka mikla eða meiri og á fyrri hluta ársins. Fram kom í sex mánaða uppgjöri hjá samstæðunni að salan jókst um 12% á fyrri hluta árs.

Með því sé árið með þeim betri í sögu Elko á Íslandi, ef frá sé talin salan í Fríhöfninni. Þar hafi orðið tekjufall vegna kórónuveirufaraldursins. Sú verslun sé rekin með tapi og 25% mönnun til að geta boðið lágmarksþjónustu. Eftir hertar sóttvarnir á landamærunum megi ætla að ein til þrjár flugvélar á dag komi til Keflavíkur. Mikil óvissa sé um framhaldið.

„Salan hefur verið ótrúlega góð og umfram áætlanir. Það helgast væntanlega af því að fólk er að nota peninga sem ella hefðu farið í ferðalög. Þá hafa vaxtalækkanir aukið ráðstöfunartekjur,“ segir Gestur.

Hægt er að lesa meira um málið í ViðskiptaMogganum í dag.