„Við vildum búa til neytendavöru úr séríslensku hráefni sem væri markaðshæf alþjóðlega,“ segir Rúnar Ómarsson, stofnandi matvælafyrirtækisins Bifröst Foods. Fyrirtækið hefur frá árinu 2017 unnið að vöruþróun, en hóf á dögunum framleiðslu á svokölluðu fish and chips-snakki úr íslenskum bitafiski og umhverfisvænum kartöflum.
Að sögn Rúnars var varan upphaflega fyrst og fremst hugsuð til útflutnings. „Fish and chips er máltíð sem allur heimurinn þekkir, þó í öðru formi auðvitað. Upphaflega var fyrirtækið og varan þróuð með alþjóðlega markaðssetningu í huga en eftir vel heppnaða prófun hjá íslenskum neytendum var ljóst að við yrðum að selja líka hér heima,“ segir Rúnar sem ráðgerir að varan verði komin í verslanir hér á landi innan fárra vikna.
Bifröst Foods á nú í viðræðum við dreifingaraðila víða um heim, þar á meðal í Suður-Ameríku og Asíu.
Lestu meira um málið í ViðskiptaMogganum í dag.