Ryanair pantar fleiri MAX-vélar
Setja bókamerki
Írska lággjaldaflugfélagið Ryanair hyggst bæta við pöntunum á Boeing 737-MAX-flugvélum. Viðræður standa yfir við flugvélaframleiðandann en vonir eru bundnar við að þeim ljúki undir lok árs 2020 eða í byrjun næsta árs.
Þetta kom fram í viðtali við forstjóra flugfélagsins, Michael O'Leary, fyrr í dag. Ummælin koma í kjölfar samþykkis bandarískra flugmálayfirvalda, sem nú hafa gefið út flughæfnisvottorð gagnvart vélunum. Gera má ráð fyrir að vélarnar muni sömuleiðis byrja að fljúga í Evrópu í ársbyrjun 2021.
MAX200 er „frábær vél“
O'Leary greindi jafnframt frá því að Ryanair vilji vera með fyrstu flugfélögunum til að panta vélina eftir um 20 mánaða kyrrsetningu í kjölfar tveggja mannskæðra slysa. „Ég held að það væri mjög mikilvægt fyrir Boeing að tilkynna um nýja pöntun. Við myndum vilja vera fremstir í röðinni enda er MAX200 frábær vél,“ sagði O'Leary.
Aðspurður kvaðst hann ekki geta tjáð sig um stærð væntanlegrar pöntunar. Þó hefur hann staðfest að um minni gerð MAX-vélanna sé að ræða. Þá á hann síður von á því að Ryanair bæti við stærri gerðinni, MAX10, á næstunni.
Fjallabak, Sprengisandur og niður í Eyjafjörð
Rothissa á vinnubrögðum forystu BÍ
Þetta eru hjólaframkvæmdirnar sem unnið er að
Laugavegur hjólaferðamannsins að fæðast
Bregðast við vopnahléstillögu á morgun
Fimm dauðir hvolpar fundust í poka
Virknin færist í aukana innan 48 tíma
Sennilega gróðureldur, ekki ný sprunga