Velta reyndist vera mun meiri í vor en vorið 2020, enda voru lokanir og takmarkanir tíðar í fyrravor vegna kórónuveirunnar.
Samkvæmt tölulegum upplýsingum frá Hagstofunni var velta samkvæmt virðisaukaskattskýrslum á tímabilinu mars-apríl 2021 18% hærri en á sama tímabili 2020 og 6% hærri en á sama tímabili 2019.
Ef tímabilið mars-apríl 2021 er borið saman við sama tímabil 2019, þá jókst velta verulega samkvæmt virðisaukaskattskýrslum í smásölu, heildsölu að undanskilinni olíuverslun og í útflutningsgreinum. Á sama tíma hækkaði gengisvísitala um 10%.
Miklar lækkanir voru í öllum greinum tengdum ferðaþjónustu og olíuverslun.