Fastus kaupir þrjú fyrirtæki

Þjónustufyrirtækið Fastus ehf. hefur gert samning um kaup á Expert ehf., Expert kælingu ehf. og GS Import. Viðskiptin eru gerð með fyrirvara um samþykki Samkeppniseftirlitsins.

Þetta kemur fram í tilkynningu. 

Þar er haft eftir Einari Hannessyni framkvæmdastjóra Fastusar að um sé að ræða mikið framfaraskref fyrir fyrirtækin.

„Þessi niðurstaða er ánægjuleg sem gefur fyrst og fremst tækifæri til aukinnar og enn betri þjónustu og ráðgjafar við viðskiptavini okkar,“ er haft eftir Þóri Erni Ólafssyni, framkvæmdastjóra Expert, í tilkynningunni. 

Stakkur fyrirtækjaráðgjöf var ráðgjafi kaupanda við kaupin.

• Blogga um frétt