Bjarni Ákason eigandi Bakó-Ísberg hefur marga fjöruna sopið í íslensku viðskiptalífi. Hann keypti fyrirtækið árið 2019 eftir að hafa selt umboðið fyrir Apple-vörur á Íslandi öðru sinni.
Í viðtali í Dagmálum viðurkennir hann að fyrstu mánuðina eftir að hann tók við nýja félaginu hafi hann klórað sér í kollinum yfir því hvað hann væri búinn að koma sér út í. Reyndar fullyrðir hann að hafa lítið sem ekkert sofið fyrsta árið eftir að viðskiptin gengu í gegn.
Bjarni segist þrífast best í rekstri þar sem mikið gangi á. Honum fari að leiðast þegar komist sé á lygnan sjó. Sú staða sé nú í nánd hjá Bakó-Ísberg og því hefur hann ákveðið að selja fyrirtækið. Tiíðinda þar um er að vænta innan tíðar. Hvað tekur við er óráðið.
Lestu meira um málið í ViðskiptaMogganum í dag.