Vilhelmsmenn fengu risa í trollið

Samherjaskipið Vilhelm Þorsteinsson, eitt aflahæsta fjölveiðiskip landsins undanfarin ár, er á uppsjávarveiðum austur af landinu.

Þegar losað var úr trollinu eftir eitt kastið í morgun rak áhöfnin augun í stóran og verulega pattaralegan makríl. 

Í ljósi nýlegra frétta af risamakríl í fiskiðjuveri Síldarvinnslunnar ákváðu menn að vigta skepnuna og í ljós kom að fiskurinn var talsvert stærri en sá stóri sem kom úr Beiti NK á dögunum og vó  1,302 kíló, sem þykir gríðarstórt fyrir þessa tegund.

• Blogga um frétt