Leita nú síldarinnar

Víkingur AK og Venus NS voru í gærdag á leið vestur fyrir landið þar sem leitað verður að íslenskri sumargotssíld í veiðanlegu magni næstu dagana.

Von er til þess að þriðja skipið, Ásgrímur Halldórsson SF frá Skinney-Þinganesi, bætist í hópinn, að sögn Alberts Sveinssonar, skipstjóra á Víkingi.

„Nú er það íslenska síldin sem leitað verður að,“ segir Albert í frétt á vef HB Granda, en þeir hafi landað kolmunna á Vopnafirði í fyrradag.