Kynningafundur um vottun ábyrgra fiskveiða

Á morgun verður haldinn kynningafundur um vottun ábyrgra fiskveiða á Hilton hótel Nordica. Aðalfyrirlesari fundarins verður Herman Wisse, framkvæmdastjóri GSSI.

Í nóvember hlaut vottunarverkefni Ábyrgra fiskveiða ses viðurkenningu af hálfu Global Sustainable Seafood Initiative (GSSI) eftir ítarlega úttekt þar sem vottunarverkefni ÁF stóðst allar lykilkröfur sem settar eru fram af hálfu GSSI.

Sjá frétt: Ábyrgar fiskveiðar hljóta vottun GSSI.

Kröfur GSSI byggja fyrst og fremst á samþykktum Matvæla- og landbúnaðarstofnunar Sameinuðu þjóðanna (FAO).

Af þessu tilefni bjóða Ábyrgar fiskveiðar ses og Íslandsstofa til kynningarfundar um GSSI og vottun Ábyrgra fiskveiða undir merkjum Iceland Responsible Fisheries á Hilton hótel Nordica á morgun 7. desember kl. 13-14.30.

Aðalfyrirlesari á fundinum verður Herman Wisse, framkvæmdastjóri hjá GSSI, og ber fyrirlestur hans yfirskriftina „GSSI: Building Confidence in Certified Seafood“.

Einnig munu Gunnar Tómasson, framkvæmdastjóri hjá Þorbirni hf., og Hrefna Karlsdóttir, verkefnisstjóri hjá ÁF, flytja erindi.

Nánari upplýsingar um fundinn má fá á vef Ábyrgra fiskveiða ses.

• Blogga um frétt