Yfir 1.000 umsóknir vegna verkfalls
Setja bókamerki
Borist hafa í kringum 1.100 umsóknir um atvinnuleysisbætur til Vinnumálastofnunar vegna sjómannaverkfallsins.
Um 900 umsóknir eru þegar komnar inn í kerfi stofnunarinnar en þar fyrir utan eru um 200 til 250 á leiðinni þangað inn.
Umsóknirnar sem tengdust vinnslustöðvun í fiskvinnslu voru 832 talsins 29. desember.
Frétt mbl.is: 832 umsóknir um atvinnuleysistryggingar
Betri tölur í lok vikunnar
Að sögn Unnar Sverrisdóttur, aðstoðarforstjóra Vinnumálastofnunar, hefur umsóknunum fjölgað jafnt og þétt með hverjum deginum sem hefur liðið síðan verkfallið hófst 14. desember síðastliðinn.
Hún sér ekki merki um annað en að þær muni halda áfram að berast. „Svo er allur gangur á því hvaða bótarétt fólk á. Það þarf að meta það einstaklingsbundið,“ segir Unnur.
Hún býst við því að í lok vikunnar verði komnar betri tölur um hversu margir úr fiskvinnslunni hafa sótt um bætur frá áramótum.
Fundað næst á morgun
Spurð út í þennan mikla fjölda segir hún þróunina vera slæma. „Fólk er að ganga á sín persónulegu tryggingaréttindi.“
Næsti fundur Samtaka fyrirtækja í sjávarútvegi og sjómannaforystunnar verður hjá ríkissáttasemjara á morgun.
Frétt mbl.is: Þarf að hugsa út fyrir boxið
„Verða bara eins og „zombíar““
Átta til tólf erlendir glæpahópar
Mikilvægt að úrræði séu endurskoðuð
Einróma stuðningur við virkjanir
/frimg/1/50/8/1500878.jpg)
Yazan verður ekki fluttur úr landi
Konur álitnar annars flokks borgarar
Ekki hópuppsögn að segja upp fastri yfirvinnu