Viðræðurnar í dag sigldu í strand
Setja bókamerki
Viðræðum fulltrúa sjómanna við Samtök fyrirtækja í sjávarútvegi hefur verið frestað fram til mánudags. Opnað var fyrir umræðu um „stóru málin“ í gær og heimildir mbl.is herma að viðræður í dag hafi strandað á þeim.
Að sögn Valmundar Valmundssonar, formanns Sjómannasambands Íslands, er staðan viðkvæm. Hann segir samninganefndir sjómanna vilja heyra í sínu fólki og að fundir verði í félögum sjómanna næstu daga, þar sem farið verður yfir stöðuna.
Frétt mbl.is: Komið að ögurstundu í samningaviðræðum
Guðmundur Ragnarsson, formaður Félags vélstjóra og málmtæknimanna, sagði í samtali við mbl.is í gær að komið væri að „ögurstundu“ í samningaviðræðunum.
„Ég held að dagurinn í dag muni verða eins konar ögurstund í þessu. Það ræðst að miklu leyti í dag hvernig framhaldið verður,“ sagði Guðmundur.
Hann svaraði því ekki beint hvort ræða ætti þau mál sem sjómenn væru verulega ósáttir við, olíuverðsviðmiðið og nýsmíðaálagið, en sagði öll mál á borðinu.
„Það eru náttúrlega þessi stóru mál sem eru á borðinu hjá báðum aðilum og þau hafa hingað til ekki verið rædd af neinu viti. Það var ákveðið að fara fyrst í þessi minni mál og allur tíminn hingað til hefur farið í það. Það er nú þess vegna sem ég segi að dagurinn í dag sé ákveðinn vendipunktur og muni hafa mikil áhrif á það hvernig framhaldið verður.“
Of margir nemendur og ákall um hæft starfsfólk
Björninn sagður nálægt byggð
Quang Le: „Rottuskíturinn kom mér á óvart“
Fjarskiptatæki um alla borg sprungu samtímis
Hætta vegna jarðfalls í sprungur metin töluverð
Átta til tólf erlendir glæpahópar
Rannsóknin skýrist með hverjum degi