Geysilegur launamunur er innan sjómannastéttarinnar eftir útgerðarflokkum. Launahæstu sjómenn landsins eru sjómenn á uppsjávarfiskiskipum, en þeir sem bera minnst úr býtum eru sjómenn á línu- og dragnótarbátum.

Samkvæmt upplýsingum Morgunblaðsins getur launamunur þeirra sem hæstu launin hafa og þeirra sem lægstu launin hafa verið liðlega þrefaldur. Þetta m.a. veldur því að flækjustigið er mikið í samningagerðinni, að því er fram kemur í fréttaskýringu um kjaramál sjómanna í Morgunblaðinu í dag.

Útgerðarmaður segir að þetta sé síður en svo einfalt mál. Verið sé að fást við mjög mismunandi kjör hjá sjómönnum. Í bestu plássum þar sem laun séu einna hæst segir hann að þau séu um 200 þúsund krónur fyrir hvern sjódag. Dæmi séu um að á bestu uppsjávarskipunum, þar sem sjódagar eru um 160 á ári, sé hásetahluturinn yfir 30 milljónir og þar séu oft 2 menn um hverja stöðu, sem þýði þá um 15 milljóna laun fyrir að vera 80 daga á sjó.

Tengdar fréttir

Kjaraviðræður

Atkvæðagreiðsla hjá Afli um verkfall

• Alvarleg staða og erfið hjá kennurum
• Vísa kjaradeilu til ríkissáttasemjara
• Ætla að koma vel lestuð á þing ASÍ
• Kjaraviðræður fara rólega í gang

» Fleiri tengdar fréttir