265 tonn í fimm veiðiferðum

Vestmannaey VE og Bergey VE hafa fiskað afar vel frá því verkfalli lauk. Vestmannaey er komin með um 160 tonn í þremur veiðiferðum og Bergey 105 tonn í tveimur.

Helmingur afla skipanna er þorskur en hinn helmingurinn er blanda af ýsu, karfa og ufsa, að því er kemur fram á vef Síldarvinnslunnar.

Að sögn Birgis Þórs Sverrissonar, skipstjóra á Vestmannaey, tók 30 tíma að fylla bátinn í fyrsta túrnum og 36 tíma í öðrum. Í þriðja túrnum náðust 30 tonn á 12 tímum.

Hann bætti við að veiðin væri óvenjuöflug miðað við árstíma.

Aflinn af Vestmannaey og Bergey fer að hluta til á markað í Bretlandi og Þýskalandi. Einnig fer hann til vinnslu víða innanlands.

• Blogga um frétt