Fiskaflinn í apríl 109 þúsund tonn

Fiskafli íslenskra skipa í apríl var rúmlega 109 þúsund tonn sem er 5% meira en heildaraflinn í apríl 2016. Í tonnum talið munar mest um aukinn kolmunnaafla en af honum veiddust 67 þúsund tonn en 56 þúsund tonn í fyrra.

Botnfiskafli dróst hins vegar saman á milli ára en tæp 40 þúsund tonn veiddust af botnfisktegundum en rúm 43 þúsund tonn í apríl 2016.  Rúm 18 þúsund tonn veiddust af þorski sem er 10% minna í apríl 2016.

Þetta kemur fram á vef Hagstofu Íslands.

Á 12 mánaða tímabili frá maí 2016 til apríl 2017 hefur heildarafli dregist saman um 59 þúsund tonn eða 5% samanborið við 12 mánaða tímabil ári fyrr. Þá er afli í apríl metinn á föstu verðlagi var 10,7% minni en í apríl 2016.

• Blogga um frétt