Ætti að nægja til meiriháttar rannsóknar

Golþorskur kominn um borð. Mynd úr safni.
Golþorskur kominn um borð. Mynd úr safni. mbl.is/Alfons

Verðsamráð er á fiskmörkuðum á Íslandi. Verð á þorski hér á landi er helmingi lægra en fyrir minnsta þorskinn á fiskmarkaði í Grimsby í Bretlandi. Þetta segir Björn Leví Gunnarsson, þingmaður Pírata.

Veltir hann þessu upp á Facebook-síðu sinni þar sem hann ber saman upplýsingar um fiskverð á Íslandi og í Grimsby.

97% fisks í Grimsby frá Íslandi

„Verðið á Íslandi er meira en helmingi lægra en fyrir minnsta þorskinn í Grimsby. Kannski er þetta munur á slægðum og óslægðum fiski, ég sé það ekki á gögnunum í Grimsby en þrátt fyrir það væri verðið á Íslandi mun lægra en í Grimsby. Það ber að athuga að dagurinn í dag er ekkert einsdæmi,“ skrifar Björn.

Með þessu lætur hann fylgja upplýsingar um að kílóverðið í Grimsby fyrir stærsta þorskinn sé á bilinu 2,7 til 3 pund, stórir/meðalstórir séu á verðbilinu 2,6 til 3 pund fyrir kílóið og meðalstórir séu á 2,4 pund.

„Langmest af þeim fiski sem er seldur þar kemur frá Íslandi. Hlutfallið í dag er um 97% fiskur frá Íslandi,“ skrifar Björn í framhaldinu.

Því næst bendir hann á að kílóið af óslægðum þorski hér á landi sé á 154,31 krónur samkvæmt Reiknistofu fiskmarkaða, eða sem nemur um 1,13 pundum.

Þorskur í neti. Mynd úr safni.
Þorskur í neti. Mynd úr safni. mbl.is/Þorgeir Baldursson

Skipti uppboðunum á milli sín

„Orsökin, er mér sagt, er að það er samráð á fiskmörkuðum á Íslandi. Þeir sem bjóði í fiskinn skipta uppboðunum á milli sín til þess að hirða til sín sem mestan gróða. Þeir sem eru með aðgang að nákvæmari gögnum (það þarf notendanafn til þess að sjá það) segja mér að það sé ekki lengur hægt að sjá hverjir séu að bjóða í fiskinn en miðað við hvert varan fer síðan þá sé það frekar augljóst,“ skrifar Björn.

„Miðað við þessi verð þá gæti í raun hver sem er keypt fiskinn á íslenskum markaði og sent hann til Grimsby (eða annarra fiskmarkaða) og grætt dágóða summu án þess að gera neitt annað. Það verður að segjast eins og er að lyktin af þessu er dálítið úldin og spurning hvort það verði eitthvað gert í þessu eða hvort það verði einhverjar afleiðingar?

Ásökunin er a.m.k. samráð og markaðsmisnotkun sem er búin að viðgangast í þó nokkurn tíma. Þessi gögn, mismunur á verði á íslenskum fiskmörkuðum og erlendum, ættu að vera nægileg til þess að meiriháttar rannsókn á ástæðum færi fram.“

mbl.is
Afurð Dags. Meðalverð
Þorskur, óslægður 20.10.17 261,27 kr/kg
Þorskur, slægður 20.10.17 290,84 kr/kg
Ýsa, óslægð 20.10.17 278,32 kr/kg
Ýsa, slægð 20.10.17 262,53 kr/kg
Ufsi, óslægður 20.10.17 72,95 kr/kg
Ufsi, slægður 20.10.17 118,00 kr/kg
Djúpkarfi 15.9.17 141,00 kr/kg
Gullkarfi 20.10.17 160,19 kr/kg
Litli karfi 17.10.17 14,00 kr/kg
Blálanga, óslægð 20.10.17 239,33 kr/kg

Fleiri tegundir »

20.10.17 Sæþór EA-101 Þorskfisknet
Þorskur 556 kg
Ýsa 208 kg
Karfi / Gullkarfi 117 kg
Ufsi 50 kg
Samtals 931 kg
20.10.17 Saxhamar SH-050 Botnvarpa
Þorskur 7.454 kg
Skarkoli 2.745 kg
Ýsa 561 kg
Þykkvalúra / Sólkoli 130 kg
Lúða 105 kg
Karfi / Gullkarfi 25 kg
Ufsi 19 kg
Steinbítur 16 kg
Langa 7 kg
Samtals 11.062 kg
20.10.17 Fjóla SH-007 Plógur
Ígulker 1.528 kg
Samtals 1.528 kg

Skoða allar landanir »