Nýr bátur í íslenska útgerðarflotann

Pétur Pétursson útgerðarmaður og Michael Jakobsen, forstjóri Bredgaard Bateværft í ...
Pétur Pétursson útgerðarmaður og Michael Jakobsen, forstjóri Bredgaard Bateværft í Danmörku handsala samninginn. Ljósmynd/Róbert Róbertsson

Útgerðarmaðurinn Pétur Pétursson frá Arnarstapa á Snæfellsnesi skrifaði á íslensku sjávarútvegssýningunni í dag undir nýsmíðasamning við Bredgaard Bateværft í Danmörku. Um er að ræða bát sem á að leysa af hólmi þann fengsæla bát Bárð SH-81.

Nýsmíðin verður umtalsvert stærri en eldri báturinn, og í raun stærsti bátur sem smíðaður hefur verið úr trefjaplasti fyrir íslenskan útgerðarmann. Nýr Bárður SH-81 verður 25,18 metrar á lengd og 7 metra breiður og djúpristan 2,5 metrar.

Smíðin tekur eitt ár

Pétur hefur í samstarfi við hönnuð bátsins Borghegn Yachtdesign hannað alla megin þætti sem lúta að útfærslum ofandekks.

„Bredgaard Badeværft bátasmiðjan er rómuð fyrir smíði á mjög sterkum og vönduðum bátum og hafa þeir smíðað báta úr trefjaplasti síðan 1967. Smíðin á nýjum Bárði hefst innan nokkurra vikna og er áætluð að smíðin taki eitt ár. Smíðin verður undir eftirliti flokkunarfélagsins Bureau Veritas í Danmörku," segir Björn Jóhann Björnsson, framkvæmdastjóri Aflhluta ehf., sem er umboðsaðili Bredgaard Bateværft.

Feðgarnir og nafnarnir Pétur Pétursson og Pétur Pétursson frá Arnarstapa, ...
Feðgarnir og nafnarnir Pétur Pétursson og Pétur Pétursson frá Arnarstapa, Hrafn Sigurðsson, Björn Jóhann Björnsson og Helgi Axel Svarsson eigendur Aflhluta fagna samningnum um nýsmíðina í Smáranum í dag. Ljósmynd/Róbert Róbertsson

Miklir möguleikar í þessum stærðarflokki

Eigendur Aflhluta eru nú orðnir þrír, þar sem Helgi Axel Svavarsson bættist í eigendahópinn í janúar á þessu ári. Helgi ber titilinn tækni og þjónustustjóri, en fyrir eru þeir Björn framkvæmdastjóri og Hrafn Sigurðsson sölustjóri. 

„Við teljum að það séu miklir möguleikar þegar kemur að endurnýjun í þessum stærðarflokki og einnig í bátum í krókaaflskerfinu. Við teljum að þegar útgerðarmenn hafa kynnst bátunum frá Bredgaards og séð hversu sterkbyggðir þeir eru muni áhuginn á bátunum aukast enn frekar. Frágangurinn á bátunum er með þeim hætti sem íslenskir útgerðarmenn með báta í þessum stærðarflokki hafa ekki kynnst áður," segir Hrafn.

Aflhlutir koma til með að skaffa allan vélbúnað í nýjan Bárð SH og má þar nefna aðalvél frá MAN, ljósavélar frá ZENORO með John Deere vélum og Stamford rafölum, gír frá TWIN DISC gír, skrúfubúnað frá Teignbridge og TRAC hliðarskrúfur.

mbl.is
Afurð Dags. Meðalverð
Þorskur, óslægður 23.11.17 357,16 kr/kg
Þorskur, slægður 23.11.17 339,50 kr/kg
Ýsa, óslægð 23.11.17 355,48 kr/kg
Ýsa, slægð 23.11.17 306,57 kr/kg
Ufsi, óslægður 22.11.17 100,00 kr/kg
Ufsi, slægður 23.11.17 123,99 kr/kg
Djúpkarfi 16.11.17 35,00 kr/kg
Gullkarfi 23.11.17 256,53 kr/kg
Litli karfi 1.11.17 9,00 kr/kg
Blálanga, óslægð 20.11.17 215,00 kr/kg

Fleiri tegundir »

23.11.17 Blíða SH-277 Plógur
Ígulker 1.514 kg
Samtals 1.514 kg
23.11.17 Björgúlfur EA-312 Botnvarpa
Ufsi 1.164 kg
Karfi / Gullkarfi 366 kg
Samtals 1.530 kg
23.11.17 Kristín GK-457 Lína
Tindaskata 1.181 kg
Samtals 1.181 kg
23.11.17 Sirrý IS-036 Botnvarpa
Þorskur 3.786 kg
Karfi / Gullkarfi 2.969 kg
Ýsa 898 kg
Hlýri 583 kg
Langa 193 kg
Grálúða / Svarta spraka 9 kg
Lúða 3 kg
Samtals 8.441 kg

Skoða allar landanir »