Ný fisktegund veiðist við Ísland

Brislingurinn fannst undan Eyjafjallasandi.
Brislingurinn fannst undan Eyjafjallasandi. Ljósmynd/Hafrannsóknastofnun

Brislingur hefur veiðst í fyrsta skipti við Ísland. Gerðist það í leiðangri Hafrannsóknastofnunar sem farinn var til rannsókna á flatfiski á grunnslóð við landið í lok ágústmánaðar. Einungis veiddist einn fiskur af tegundinni og var hann 15 sentimetra langur.

Að því er fram kemur á vef Hafrannsóknastofnunar fékkst fiskurinn á 20 metra dýpi undan Eyjafjallasandi, en leiðangurinn var undir stjórn Guðjóns Sigurðssonar.

Segir þar að brislingur sé smávaxinn fiskur af síldarætt og verði sjaldnast stærri en 16 sentimetrar.

Frá Marokkó og til Noregs

„Hann líkist nokkuð smásíld, en er auðgreindur frá síld á því að kviðrönd er með þunnan, snarptenntan kjöl og rætur kviðugga eru undir eða rétt framan við upphaf bakugga í stað þess að vera undir honum miðjum,“ segir á vef stofnunarinnar.

Fram kemur að hann sé uppsjávarfiskur og haldi til á grunnsævi, oft nærri ströndum, og þoli vel seltulítinn sjó. Útbreiðslan sé víðáttumikil á landgrunni Norður-Evrópu og Afríku, einkum innan 50 metra dýptarlínu.

„Hún nær frá Atlantshafsströnd Marokkó og norður í Norðursjó og að strönd suðurhluta Noregs og inn í Eystrasalt. Þá finnst hann í Miðjarðarhafi, Adríanhafi og Svartahafi.“

Hafrannsóknaskipið Árni Friðriksson siglir út úr Reykjavíkurhöfn.
Hafrannsóknaskipið Árni Friðriksson siglir út úr Reykjavíkurhöfn. mbl.is/Sigurður Bogi

Sveiflukenndur afli í Norðursjó og Eystrasalti

„Á þeim svæðum sem brislingur finnst er hann mikilvæg fæða bæði ýmissa fiska og sjófugla.
Miklar veiðar eru stundaðar á þessari tegund og fer stærstur hluti aflans í mjöl, en lítilsháttar markaður er fyrir hann til manneldis, þá reyktur og niðursoðinn. Eins og búast má af skammlífri tegund, þá hefur afli, bæði í Norðursjó og Eystrasalti, verið mjög sveiflukenndur eftir árum.

Á árunum 1974-1979 var ársaflinn í Norðursjó á bilinu 350-600 þús. tonn, en minnkaði hratt eftir það og mjög lítið var veitt árið 1986. Síðan óx aflinn aftur nokkuð jafnt frá ári til árs og var um 360 þús. tonn árið 1995. Eftir það hefur aflinn verið breytilegur, frá 60 þús. og upp í 300 þús. tonn, var um 250 þús. tonn á síðasta ári. Í Eystrasalti hefur afli verið heldur stöðugri á undanförnum áratugum og ársaflinn verið 300-500 þús. tonn, mestur árið 1997.“

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 17.12.17 208,55 kr/kg
Þorskur, slægður 17.12.17 233,63 kr/kg
Ýsa, óslægð 17.12.17 230,60 kr/kg
Ýsa, slægð 17.12.17 229,68 kr/kg
Ufsi, óslægður 17.12.17 65,85 kr/kg
Ufsi, slægður 17.12.17 76,86 kr/kg
Djúpkarfi 7.12.17 79,00 kr/kg
Gullkarfi 17.12.17 196,47 kr/kg
Litli karfi 14.12.17 0,00 kr/kg

Fleiri tegundir »

17.12.17 Gísli Súrsson GK-008 Lína
Þorskur 50 kg
Keila 15 kg
Samtals 65 kg
17.12.17 Indriði Kristins BA-751 Lína
Þorskur 3.564 kg
Ýsa 2.410 kg
Keila 63 kg
Hlýri 14 kg
Karfi / Gullkarfi 7 kg
Samtals 6.058 kg
17.12.17 Sjöfn SH-707 Plógur
Ígulker 2.410 kg
Samtals 2.410 kg
17.12.17 Fjóla SH-007 Plógur
Ígulker 2.004 kg
Samtals 2.004 kg

Skoða allar landanir »