Finnskur ísbrjótur mættur

Finnski ísbrjóturinn MSV Nordica kom til hafnar í Reykjavík í vikunni og liggur við Miðbakka í Gömlu höfninni, skammt frá Hörpu. Koma hans hingað tengist alþjóðlegu norðurslóðaráðstefnunni Arctic Circle sem fram fer í Hörpu dagana 13.-15.

Til stendur að ein af málstofum ráðstefnunnar fari fram í ísbrjótnum.

Ísbrjóturinn Nordica er 9.392 brúttótonn, smíðaður árið 1994. Hann er 116 metrar að lengd. Áætlað er að hann láti úr höfn 16. október næstkomandi.

Ísbrjótar eru ekki daglegir gestir í höfnum á Íslandi. Síðasti ísbrjóturinn sem hingað kom var hinn kínverski Snædreki, sem kom fyrir fimm árum, í ágúst 2012.