Mokveiði áður en gengur illa núna

Víkingur AK er á síldveiðum.
Víkingur AK er á síldveiðum. mbl.is/HB Grandi

„Þetta er fljótt að breytast. Fyrir aðeins nokkrum dögum var hér mokveiði en núna gengur frekar illa. Það berast hins vegar fréttir af góðri síldveiði í Síldarsmugunni og við verðum trúlega að elta síldina þangað áður en vertíðin er úti.“

Þetta segir Hjalti Einarsson, skipstjóri á Víkingi AK.

Fram kemur á vef HB Granda að Víkingur hafi farið frá Vopnafirði á mánudagsmorgun en skipið kom þangað fyrir helgina með rúmlega 1.000 tonn af síld, sem fóru til vinnslu hjá uppsjávarfrystihúsi HB Granda. Að sögn Hjalta hafa fjögur til fimm skip verið að veiðum utarlega á Héraðsflóanum. Önnur hafa sótt í Síldarsmuguna.

Smærri síldin haldi sig sunnar

„Við erum búnir að vera á Héraðsflóadjúpi en erum nú komnir norður undir Borgarfjarðargrunn. Það er bara verið að leita að síld. Við höfum orðið varir við smá peðrur við botninn en ekkert magn að ráði. Venjulega er síldveiðin best eftir að skyggja fer af degi en það var léleg veiði sl. nótt,“ var haft eftir Hjalta síðdegis í gær. Telur hann að aflinn hafi í fyrradag verið kominn í um 260 tonn.

„Vertíðin endar örugglega hjá okkur á síldveiðum í Síldarsmugunni en við erum ekki að fara þangað í bráð. Siglingin er nokkuð löng og spáin er sú að þar verði bræla um næstu helgi. Síldin í Síldarsmugunni er hins vegar mjög góð og hið sama má segja um síldina sem veiddist á Héraðsflóadjúpinu þegar veiðin var hvað best fyrir nokkrum dögum,“ segir Hjalti.

„Það er eins og að smærri síldin haldi sig sunnar við Austfirði og það kemur fyrir að við hittum á síld af blandaðri stærð.“

mbl.is
Afurð Dags. Meðalverð
Þorskur, óslægður 21.10.17 5,00 kr/kg
Þorskur, slægður 20.10.17 291,55 kr/kg
Ýsa, óslægð 20.10.17 273,42 kr/kg
Ýsa, slægð 20.10.17 262,41 kr/kg
Ufsi, óslægður 21.10.17 5,00 kr/kg
Ufsi, slægður 20.10.17 118,33 kr/kg
Djúpkarfi 15.9.17 141,00 kr/kg
Gullkarfi 21.10.17 5,00 kr/kg
Litli karfi 17.10.17 14,00 kr/kg
Blálanga, óslægð 20.10.17 248,03 kr/kg

Fleiri tegundir »

22.10.17 Litlanes ÞH-003 Línutrekt
Þorskur 5.591 kg
Ýsa 3.592 kg
Langa 39 kg
Steinbítur 5 kg
Karfi / Gullkarfi 1 kg
Samtals 9.228 kg
22.10.17 Gestur Kristinsson ÍS-333 Landbeitt lína
Ýsa 2.543 kg
Þorskur 1.899 kg
Skarkoli 35 kg
Steinbítur 30 kg
Langa 11 kg
Samtals 4.518 kg
22.10.17 Magnús HU-023 Landbeitt lína
Þorskur 1.753 kg
Ýsa 862 kg
Keila 19 kg
Langa 6 kg
Karfi / Gullkarfi 5 kg
Samtals 2.645 kg

Skoða allar landanir »