Fiskafli jókst um 11%

Fiskafli íslenskra skipa í september var 125.857 tonn, eða 11% meiri afli en í september 2016. Botnfiskafli dróst saman um 8% og nam tæpum 33 þúsund tonnum, en uppsjávarafli jókst um 21% og nam tæpum 90 þúsund tonnum.

Þetta kemur fram í tilkynningu frá Hagstofunni. Segir þar enn fremur að þorskafli hafi dregist saman um 4%, ýsuafli um 5% og afli í ufsa um 18% miðað við september í fyrra.

Flatfiskaflinn var 1.926 tonn sem er 12% minna en á síðasta ári, og skel- og krabbadýraafli nam 1.198 tonnum, samanborið við 1.096 tonn í september 2016.

Alls var nemur heildaraflinn, á 12 mánaða tímabili frá október 2016 til september 2017, 1.133 þúsund tonnum, sem er 6% aukning miðað við sama tímabil ári fyrr.

Verðmæti afla í september metið á föstu verðlagi er þá 9,7% minna en í september 2016.

• Blogga um frétt