Samgöngumálastjóri ESB prófaði Leiftur

Bulc hóf heimsóknina á stuttri leiðsögn um fyrirtækið.
Bulc hóf heimsóknina á stuttri leiðsögn um fyrirtækið. Ljósmynd/Rafnar

Violeta Bulc, samgöngumálastjóri Evrópusambandsins, heimsótti skipasmíðastöðina Rafnar í Kópavogi fyrr í mánuðinum. Fór hún ásamt fulltrúum Landhelgisgæslunnar um borð í einn báta Gæslunnar sem Rafnar bæði hannaði og smíðaði, en hönnunin nefnist Leiftur 1100.

Voru henni þar kynntir kostir ÖK-skipsskrokksins, en hann er hönnun Össurar Krist­ins­son­ar, stofn­anda Rafn­ars, og á að minnka til muna skelli og skopp báta á yfirborði sjávar.

Bátur Gæslunnar var fenginn til ferðarinnar.
Bátur Gæslunnar var fenginn til ferðarinnar. Ljósmynd/Rafnar

Fengið styrk í gegnum ESB

Bulc var hér á landi til að taka þátt í heimsþingi alþjóðasam­tak­anna WPL, Women Political Lea­ders Global For­um, en einnig flutti hún erindi á ráðstefnu Sjávarklasans og Samtaka atvinnulífsins - Flutningalandið Ísland.

Fram kemur á vef Rafnars að fyrirtækið hefur sótt um styrki í gegnum svonefnt Horizon 2020-verkefni Evrópusambandsins. Þar hafi skipasmíðastöðin komist í gegnum fyrsta stig ferlisins og fengið fjármagn.

Nú sé þess beðið að hún verði samþykkt að fullu í gegnum annað ferli styrkveitingarinnar, en með styrknum sækist fyrirtækið eftir að efla enn frekar möguleika skipsskrokksins til að henta stærri skipum.

Bulc og fleiri á fullri ferð.
Bulc og fleiri á fullri ferð. Ljósmynd/Rafnar
mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 11.12.17 242,78 kr/kg
Þorskur, slægður 11.12.17 258,42 kr/kg
Ýsa, óslægð 11.12.17 247,27 kr/kg
Ýsa, slægð 11.12.17 230,61 kr/kg
Ufsi, óslægður 11.12.17 67,82 kr/kg
Ufsi, slægður 11.12.17 93,07 kr/kg
Djúpkarfi 7.12.17 79,00 kr/kg
Gullkarfi 11.12.17 149,96 kr/kg
Litli karfi 6.12.17 11,00 kr/kg

Fleiri tegundir »

13.12.17 Indriði Kristins BA-751 Lína
Þorskur 10.102 kg
Ýsa 371 kg
Steinbítur 5 kg
Keila 3 kg
Samtals 10.481 kg
13.12.17 Manni ÞH-088 Plógur
Kúfiskur / Kúskel 301 kg
Samtals 301 kg
13.12.17 Blíða SH-277 Plógur
Ígulker 1.356 kg
Samtals 1.356 kg
13.12.17 Særún EA-251 Lína
Ýsa 3.396 kg
Þorskur 861 kg
Samtals 4.257 kg
13.12.17 Hafborg EA-152 Dragnót
Þorskur 6.963 kg
Skarkoli 39 kg
Steinbítur 32 kg
Ýsa 25 kg
Þykkvalúra / Sólkoli 8 kg
Samtals 7.067 kg

Skoða allar landanir »