„Þeir vilja taka Noreg“

Nokkrar helstu stofnanir Noregs hafa verið settar á lista yfir skotmörk tölvuþrjótasamtakanna Anonymous. Þau hafa áður ráðist gegn vefsíðum stofnana á Íslandi vegna hvalveiða Íslendinga.

„Vegna hvalveiðanna hafa nokkrir hópar litið á Noreg sem skotmark,“ segir Lone Charlotte Pettersen, sem fer fyrir netdeild norsku rannsóknarlögreglunnar, í samtali við Aftenposten.

Á meðan hefðbundnir mótmælendur hvalveiða, á borð við Sea Shepherd og Greenpeace, hafa ráðist til atlögu gegn hvalveiðimönnum og útgerðunum sjálfum þá hafa tölvuþrjótar á borð við þá sem skipa Anonymous-samtökin notast við vefárásir til að vekja athygli á málstað sínum.

Hvalir dregnir á land í Hvalstöðinni í Hvalfirði. mbl.is/Ómar

Tvö ár frá árásum á Ísland

Pettersen segir að ekki sé hægt að sjá fyrir skotmörk þeirra.

„Þeir vilja taka Noreg. Það getur því tilviljun ráðið því hver verður fyrir barðinu á þeim. Svo lengi sem þeir valda skaða þá eru þeir sáttir,“ segir hún.

„Við vildum að við hefðum meiri stjórn á þessu. Þetta er áskorun fyrir okkur og lögregluna.“

Tvö ár eru síðan vefsíður for­sæt­is-, inn­an­rík­is-, ut­an­rík­is- og um­hverf­is­ráðuneytis Íslands voru teknar niður, ásamt vef stjórnarráðsins. Hófust árásirnar 27. nóvember og vörðu í þrettán klukkustundir. Voru þær auglýstar á Twitter undir myllumerkinu #OpWhales.

Frétt af mbl.is

Hatrammari árás en áður

Frétt af mbl.is

Listi yfir íslensku skotmörkin

• Blogga um frétt