Björgólfur Jóhannsson, starfandi forstjóri Samherja, segir umfjöllun Kveiks um starfsemi félagsins í Namibíu hafa verið einhliða. Félagið muni leggja allt kapp á að upplýsa málið sem allra fyrst.

Þorsteinn Már Baldvinsson steig tímabundið til hliðar sem forstjóri Samherja í kjölfar umfjöllunar Kveiks um fyrirtækið. 

Björgólfur segir sér hafa runnið blóðið til skyldunnar að taka tímabundið við stjórnartaumunum hjá félaginu.

Hefur unnið með félaginu

Hann hafi unnið með þeim frændum Þorsteini Má og Kristjáni Vilhelmssyni fyrir félagið. Fyrst sem endurskoðandi Samherja, 1984-1992 og svo sem framkvæmdastjóri nýsköpunar og þróunar árin 1996-1999. Hann hafi alla tíð síðan fylgst náið með félaginu. Nú sé verkefnið að ljúka sem fyrst athugun á málefnum félagsins í Namibíu í tilefni af umfjöllun sjónvarpsþáttarins Kveiks.

Honum þyki vænt um félagið.

Hætti tímabundið hjá Íslandsstofu

Björgólfur hafði tilkynnt að hann myndi tímabundið láta af störfum sem stjórnarformaður og stjórnarmaður hjá Íslandsstofu. Hildur Árnadóttir, varaformaður stjórnar Íslandsstofu, hefur tekið við hlutverki formanns og Helga Árnadóttir, framkvæmdastjóri þróunar, sölu- og markaðssviðs Bláa lónsins, sem er varamaður í stjórn Íslandsstofu, mun taka sæti í stjórninni í fjarveru Björgólfs. 

Nánar verður rætt við hann í Morgunblaðinu á morgun.  

Tengdar fréttir

Samherji í Namibíu

Yfirframleiðandinn kominn með stöðu sakbornings

• Synjað um áfrýjun meiðyrðamáls
• Kærur Þórðar Snæs og Aðalsteins endanlega felldar niður
• Fimm manns í tíu daga í Namibíu
• Aðstoða stjórnvöld í Namibíu

» Fleiri tengdar fréttir

• 4 blogg um fréttina

Bloggað um fréttina

• Páll Vilhjálmsson: RÚV breytir frétt: hannar nýjan veruleika
• Ómar Geirsson: Kostuð aðför er alltaf einhliða.
• Geir Ágústsson: Sá sem snertir eldinn brennir puttann
• Freysteinn Guðmundur Jónsson: Einhliða